اسوي بعيوني كدا واتخيلك

الجرح ماهـو خاطـر شـوي ..ويـروق
الجـرح حتـى لـو تشافـى ..يعلّـلـك

واذاك متحمـس متـاهـات وطــروق
أنـا تعبـت أشـد حيلـي ..وأحـاولـك

سماي ماشي شمس ورعـود ..وبـروق
والريـح ماهبّـت ولا يجـري الفـلـك

والقلب ناشف بحر .. وشقوقـه شقـوق
وشلـون بيكـوّد سـحـاب ..ويبلّـلـك

ياظامي أنا أظمـا .. ومتشبـع ..حـروق
واذاك ظامـي للمواصـل أنـا ..هـلـك

هلك .. ووقف في وجهي الأصل ..والذوق
والمجتمـع والعـرف والفقـر وأهـلـك

متعومس .. وحـزن النبـلاء ..مرمـوق
يعني لـو أحتـاج لـك ماجيـت أسألـك

اللي علي أشكي .. وأعاتبـك ..برفـوق
وأقـولـك ودي مـاعـاد ..أتـأمـلـك

مـن دورة الأيـام يـاخـوك مخـنـوق
الوقت مشانـي مـن السلـك ..للسلـك

أزل خطـوه بـس مـا أزل ..منـطـوق
ولو صارت أبا أحب خشمـك ..وأجاملـك

يبقـى البنـي آدم مجـرد ..ومخـلـوق
ملك .. ولكن فـي الحقيقـه بـلا ملـك

والناس عوق الناس .. والدرب ..مسبوق
تتعب على أشيا ف الآخر ماهـي ..بإلـك

كذاب قايـل : كـل مطـرود ..ملحـوق
سنين وأنا أطردك وأزريت لا ..أوصلـك

كنّـك تطيـش وكنـي أدور فـي طـوق
كل ماوصلت آخرك يطلـع لـي ..أولـك

ياليت ما في خاطـري شـوق ..وفـروق
ما كان حسيت ان أنا بـس منـك ..الـك

الشوق ماهو رعشه وقبضـة ..عـروق
وماهو اللي من شينك ف عينك ..يجمّلـك

وماهو شعـور يخالـج الـروح برفـوق
ولا هو سحر ولا أدري والله شاقول لـك

كنّه سحابة حلـم وتطيـر بـك ..فـوق
وتطيـر .. ولا ودّك انـهـا ..تنـزلـك

الشوق هذا .. والا أنا شوقـي ..البـوق
ماقد حصل في شـوق هـذي ولا ..تلـك

تدري وش أسوّي الى أضناني ..الشـوق
أسـوي بعيـونـي كــذا .. *_* وأتخيّـلـك

وأقربّك واتـوق .. واتـوق .. واتـوق
وأكثّـرك وأحلـف مـا عــاد أقلّـلـك

وأصوّرك في الموق .. وتكبر على الموق
وتطيح مع دمعي علـى ايـدي ..وأقبّلـك

هذا غـلاي اللـي مـع الـدم ..مدقـوق
ولا عاد تسأل عـن شعـوري ..بزعّلـك

محبـة ماهيـب مـن طـارف السـوق
لو انك توكـل .. كـان والله لا ..آكلـك

جيتك حقوق ورحت ماعنـدي ..حقـوق
وان قلـت مـا أحبـك أبجحد..مواصلـك

أحبـك ؟ ألا يابـري حالـي ..وعــوق
من كثر ماحبـك أخـاف انـي ..أقتلـك

من كتابات: }ّ "سعــد علـــوش" ّ{

صح لســآآنكـ
كلمـآآآت في قمة الروعهـ
سعد علوش فديتو انا شاعر متميز
الله يعطيك العافيه ع النقل الرائع من عضوة رائعه
زيزي كدش[b]